Дэлгэрэнгүй
Дэлгэрэнгүй уншаарай
Ингээд л боллоо. Хүн бүрд сануулах хэдхэн үг байна. Та нар бүгдээрээ үүнийг мэднэ. Дүгнэж хэлэхэд та нар сайн бясалгаж, бусад хүмүүст тусалсан болохоор би та бүхэнд маш их талархаж байна. Би та нараар маш их бахархаж байна. Учир нь та нарын амьдрал бас нэлээн хэцүү, бэрх байдаг ч та нар гомдоллодоггүй. Та нар одоо ч гэсэн тэсэж тэвчин, оюун санаагаар бясалган дадуулж, бусад хүмүүст тусалсаар байна. Гадаад ертөнцийн бүх уруу таталтыг үл харгалзан та нар хэзээ ч ухраагүй. Энэ нь ахиж дэвшсэн гэсэн үг. Диваажин, тамын тухай ярих шаардлагагүй. Хүмүүс та нар шиг сайн байж чадвал бидэнд Диваажин ч хэрэггүй. Тийм үү? (Тийм ээ.) Яагаад гэвэл хэрэв дэлхийн бүх хүн та нар шиг байсан бол бид Диваажинд байх байсан. Тэгээд бид ийм сайн хүмүүс учраас бидний сэтгэл амгалан, сэтгэл маань аз жаргалтай байдаг. Энэ бол бидний өөрсдийн Диваажин юм. Дээр үнэхээр Диваажин байдаг бол гайхалтай хэрэг. Гэсэн ч Диваажин байдаг гэдгийг бид хэдийнээ мэдэж байгаа. Үүнд эргэлзэх хэрэггүй. Учир нь бид үүнийг үзэхээр тэнд оччихоод буцаж ирсэн. Хэлэх гэсэн зүйл маань бол Диваажин үнэхээр байхгүй байсан ч бидний дотор Диваажин хэдийнээ бий. Бид үүнийг өдөр бүр халаасандаа хийж явдаг. Бид хаана ч явсан халаасандаа Диваажингаа авч явдаг. Тэгэхээр юу хэлэх гээд байна вэ гэхээр та нар шиг сайн хүмүүсийн хувьд Диваажин гэж үнэхээр байхгүй байсан ч бидэнд бас зүгээр. Учир нь бидэнд өөрсдийн маань Диваажин бий. За. Сайн байна. Баярлалаа. Жаахан дасгал хийх цаг болжээ. Гэсэн хэдий ч бид Диваажин байдгийг хэдийнээ мэднэ, тийм ээ? Та нарын ихэнх нь мэднэ. Та нар бясалгал хийхдээ үүнийг мэддэг. Та бүхэн Диваажинтай холбоотой, та нар дээш доош явж байсан учраас өдөр бүр улам аз жаргалтай, илүү ухаалаг, тайван болж байна. Иймд бид Диваажин үнэхээр байдаг эсэхийг асуух шаардлагагүй. Хариултыг нь бид бүгд мэднэ. Юу хэлэх гэсэн бэ гэхээр үнэхээр Диваажин гэж байхгүй байсан ч бидэнд бас зүгээр. Учир нь бид аз жаргалтай, бүрэн ханамжтай, сэтгэл хангалуун байдаг. Тиймээс энэ Диваажинд үргэлжлүүлэн амьдар. Мөн илүү өндөр, дээд Диваажин руу дэвш. Энэ дэлхийн (хүмүүст) бидэнтэй адил болоход нь тусал. Илүү сайн, илүү аз жаргалтай байх тусам сайн, Диваажингийн талаар илүү ихийг мэдэх тусам төдий чинээ сайн. Диваажингийн талаар мэддэг илүү олон хүн байх тусмаа сайн. Ингэснээр бидний энэ амьдрал дэмий үрэгдэхгүй. Бүгдэд нь баярлалаа. Сар шинийн мэнд хүргэе! Бүх зүйл сайхан болох болтугай. (Баярлалаа, Их Багш аа.) Би мартчихаж: Та бүхэн оюун санааны бясалгалдаа ахиж дэвших болтугай. Мөн тайвань (формоса)-чууд “Эд баялаг ихийг хураах болтугай.” гэсэн үгийг хамгийн их сонсох дуртай. (Баярлалаа, Их Багш аа.) Дараа уулзацгаая. Баяртай. Орой уулзъя. За юу? За.
